HIJI
PEUTING DI SITU PANJALU (1)
Dhipa Galuh Purba
Samarukna unggal
anca, aya nu baris kaala
Da puguh ngarahuh
mah,
Ukur ngagayuh
sabot reureuh dina iuh-iuh
Teu kaci,
ngurilingan Nusa Gedé bari
uring-uringan
Kuméok sanggeus
dipacok
Luncat
balilahan, ngejat ka awang-awang
RĂ©k ngacacang di
langit kulawu
RĂ©k ngarungkup,
ngacak-ngacak jaladara.
Ibun beureum euceuy,
ibun Situ
Keclakna,
rancucut getih,
pagalo tina juru
soca
Merebey, ngeueum
buleudan rupa
Nu salawasna rosa , ngagedurkeun tunggara
Cenah mah: rék
nyingraykeun ruruntuk!
Nu
ngalantarankeun biwir nguyung ku carita
Hujan miripis;
ibun kaibunan,
ceurikna kénéh
Dalah mun teu
kaampeuh,
Cimatana bakal
mulangkeun cai Situ nu kiwari saat
Banjarwaru jeung
Simpar baris kakeueum deui Situ
Langit sumegruk
Peuting Ă©ta,
Biwirna rék
dikonci
Panonna rék
dikonci
Haténa ogé rék
dikonci
Nyi Ratu Permana
DĂ©wi….
Kuring papag
mawa kohkol pangentrong rasa,
Ngampar samak di
Nusa Pakél,
LĂ©ngkong,
Kalong, uyah, moal asa-asa
Hayang
tepung-lawung jeung salira.
Komentar