Ali Sadikin - Nu Tandang Ti Sumedang

Ali Sadikin (kanan) dan Dhipa Galuh Purba (kiri), Foto: Lien NR


Catetan DHIPA GALUH PURBA


MOAL bireuk deui ngadangu nami Ali Sadikin mah; Gubernur DKI Jakarta Raya (1966-1977), nu langkung dipikawanoh “Bang Ali”.

Najan sebutan “Bang” sasarina sok dipakĂ© ku urang Batawi, tapi Bang Ali mah urang Sunda. ÉcĂ©sna urang Sumedang.

Nepi ka kiwari, Bang Ali masih ngarasa reueus jadi urang Sunda, sanaos sadidintenna matuh di Jakarta. PoĂ© Kemis (21/7/2005),  nepangan Bang Ali ka palinggihanana, di Jl. Borobudur No.2, Jakarta.

**

KRITIS jeung disiplin. Kecap Ă©ta nu sok dikantĂ©tkeun sareng nami Ali Sadikin atanapi bang Ali.  Apan Bung Karno ogĂ© kantos nyarios yĂ©n “Ali Sadikin orang keras kepala (kopping)”.

Tangtos heuras anu dimaksad tĂ©h sanĂ©s hartosna nĂ©gatif, da puguh Bang Ali mah heuras sotĂ©h dina merjoangkeun bebeneran anu luyu sareng kereteg sanubarina. Kacida loyogna, basa taun 1977, Ali Sadikin dilĂ©lĂ©r hadiah “Magsaysay” ti Philipina.

Nyabit nami Ali Sadikin, bakal Ă©mut ogĂ© kana “Petisi 50”. Kumaha sasakala “Petisi 50” tĂ©h? Tangtosna ogĂ© pada uninga.

Namung Ă©tang-Ă©tang ngĂ©mutan ka nu hilap sareng masihan terang ka nu teu acan uning, urang guar deui sabĂ©ngbatan ngeunaan “Petisi 50” tĂ©a.

Ari anu dimaksad “Petisi 50” tĂ©h taya sanĂ©s minangka puncak tina rempugan 50 jĂ©ndral, nu ngaraos prihatin ku ayana pidato PrĂ©sidĂ©n Soeharto taun 1980, anu eusina semu ngandung “ancaman” ka sawatara perwira tinggi Angkatan Darat (AD).

Aya limapuluh urang nu nĂ©ken “Pernyataan Keprihatinan” kana rupaning kabijakan Soeharto. Anu antukna katelah jadi “Petisi 50”.

“Petisi 50” saterusna nempatkeun diri jadi sabangsaning “oposisi” anu teu bosen-bosen nyieun “pernyataan” anu ngritik kana kawijakan PrĂ©sidĂ©n Soeharto, anu dianggap mĂ©ngpar tina UUD 1945 jeung ngarugikeun rahayat.

Tangtos kacida lumrahna upama pajoangan Ali Sadikin satĂ©kah polah dihalang-halang ku rĂ©zim orde baru. Pers ogĂ© teu meunang ngamuat warta ngeunaan Ali Sadikin jeung naon baĂ© anu patali sareng “Petisi 50”. Tug nepi ka runtagna rezim Soeharto, “Petisi 50” tetep panceg dina tangtunganana.

Basa ditepangan, Ali Sadikin masih tetep cangker tur tandes dina ngedalkeun pamadeganana. Numutkeun Bang Ali, kiwari urang Sunda beuki kadéséh ku urang deungeun.

Anu diuk dina korsi législatif, anu jadi pamingpin, arang pisan urang Sunda mah. Malah di lemah cai Sunda sorangan, urang Sunda mah kaéléhkeun ku sélér séjén. Kitu saur Bang Ali, kalawan gaduh harepan sangkan para nonoman Sunda hojah tur mibanda sumanget nu ngagedur.

Ali Sadikin ogé teu hilap, nyawang deui mangsa katukang, basa masih kénéh mingpin Jakarta Raya. Numutkeun Bang Ali, harita téh pajoanganana dirojong pisan ku Letjen Mashudi (alm) jeung sawatara nonoman ti ITB.

Bang Ali kacida reueusna, seueur nonoman percéka anu jol-na ti Tatar Sunda. Kumaha ari ayeuna? Asa beuki nyirorot baé kualitas para nonoman téh, saur Bang Ali.

Bang Ali nataan pausahaan sabangsaning pabrik-pabrik anu ngajajar sapanjang Jakarta-Bandung. Saur Bang Ali, éta téh lain bogana urang Sunda.

Ari Urang Sunda mah ukur jadi kuli, kaĂ©lĂ©hkeun ku urang deungeun. Strategi “JabotabĂ©k” anu dirancang ku Bang Ali tĂ©h, minangkana mah pikeun ngamajukeun urang Sunda, sangkan henteu kaĂ©lĂ©hkeun ku urang Ibukota (Jakarta).

Cindekna mah urang Sunda kudu hojah! Kitu rupina anu dipiharep ku Bang Ali téh. Sanaos Bang Ali icikibung di Jakarta, tapi henteu ngarasa eureun jadi urang Sunda.

Kareueus sakaligus kamelangna ka lemah cai Sunda, tetep ngancik dina satungkebing atina. Ieu pajoang anu lahir di Sumedang, 7 Juli 1926, tétéla henteu mopohokeun ka bali geusan ngajadina.

Rupaning sawangan tur pikiran Ali Sadikin dina merjoangkeun rahayat, ébréh dina sawatara buku anu tos dipedalkeun ti béh ditu mula.

Saperti  buku anu judulna “Bang Ali, Demi Jakarta; Auto Biografi (diserat ku Ramadhan KH, 1992), Tantangan Demokrasi (1995), Wartawan Bertanya, Bang Ali menjawab (1996). 

Nilik kana lalakon dina widang atikanana, Ali Sadikin téh kapungkurna kantos sakola di HIS (1970), Mulo; Sekolah Tékhnik (1940-1953), Sekolah Pelayaran Tinggi (1943), KUTIP-KKO Angkatan 1 (1952), Sekolah Korps Marinir Amérika Serikat (USMC School) jeung Amphibious K.C. Belanda (1953-1954), SESKOAL Kahormatan (1970).

Sateuacan jeneng jadi gubernur DKI Jakarta Raya, Ali Sadikin kantos jadi Kastal “A” (OPS) RĂ©simĂ©n Samudra (1948-1949), Komandan SĂ©ktor SWK.S-V RĂ©simĂ©n Samudra (1949-1950), Wakil Komandan KKO-AL (1950-1954), Komandan PUSDIKKO ngarangkep jeung Komandan PASINKO Surabaya (1954-1959), tug dugi ka jadi Menko Perhubungan Laut ngarangkep Menko Maritim (1963-1966).

*

KALINTANG betah paguneman sareng Ali Sadikin tĂ©h. Henteu asa ngawangkong sareng Gubernur manten, da sikepna somĂ©ah tur reumbeuy ku sempal guyon. “Kamu ngerti perkataan saya?” saur Bang Ali, basa mungkas paguneman.

Mengerti,” tĂ©mbal tĂ©h.

Tapi Bang Ali naros deui langkung tandes, bari neunggeul loma, “Kamu ngerti apa tidak?” kitu cenah.

Iya, mengerti…” tĂ©mbal tĂ©h.

Ali Sadikin ngajajap dugi ka buruan, kalayan gugupay paturay. Sabéngbatan ogé kabaca, upama Bang Ali ngaraos bingah kaunggahan ku urang Sunda.

Mugia Bang Ali diperenahkeun di tempat mulya mungguhing Allah SWT, aamiin.***

0/Post a Comment/Comments

Previous Post Next Post