Cartibag DHIPA GALUH PURBA
(1)
MANÉHNA ngabalieur
bari
nyumputkeun paroman beungeutna. Tapi da geus karérét najan ukur sakolébatan. Katénjo
manéhna beuki samar-polah, teu puguh cabak. Kabuktian ramo-ramona kalah kop
kana botol inuman. Padahal bieu téh asa teu salah nyarita, rék meuli roko.
“SanĂ©s Ă©ta, TĂ©h… abdi mah badĂ© mĂ©sĂ©r roko!” ngahaja rada harus, bisi
bieu teu kadéngéeun. Pré, botolna murag tur peupeus. Manéhna katara siga nu leuwih
geumpeur.
“Punten, punten…” Kituna tĂ©h bari
rampang-reumpeung. Beling jeung cai nu nguyumbang mah teu ditolih. Sorosod, manéhna
muka kaca Ă©talaseu. Kop kan a
roko, sabungkus. Ngasongkeun roko ogé tetep bari tungkul, siga nu hayang nyumputkeun
rupana.
“KadĂ© bilih kacugak. Sawios diartosan wĂ© nu peupeus ogĂ©…” cekĂ©ng tĂ©h
bari sok mikeun
duit saratus réwu.
“Emh… teu kedah. Sawios da lepat abdi…” tĂ©mbalna.
“Tapi pan gara-gara aya akang, janten wĂ© peupeus,”
“Henteu. SanĂ©s. Lepat abdi…” kituna tĂ©h bari muka sorog handapeun Ă©talaseu. Teu
kaciri eusina mah. Tapi tangtuna ogé sorog paranti nyimpen duit. Katingali
leungeunna sga nu keur milihan duit keur pangangsulan. Tapi manéhna ngahuleng
sakedapan.
“Punten, kagungan artos pas?” tanyana bari rada tanggah, tuluy tungkul deui, siga
nu teu wanieun paadu teuteup.
“Teu gaduh. Sadayana saageung kitu. Mangga wĂ© candak sadayana, da
abdi mah rido…” ngahaja ngabanyolan, ngarah teu geumpeureun teuing.
“Ih, alim,”
“KĂ© sakedap, manawi aya dina mobil,” cekĂ©ng tĂ©h bari ngalĂ©ngkah, muru ka tempat markirkeun
mobil. Blak, panto mobil dibuka. Sabenerna mah lain rék néangan duit anu pas,
da lamun niat mah dina pésak calana ogé aya. Nyelang kana mobil téh rék nyokot
kartu nama tina jero tas. Tapi ngarah jiga, kapaksa wé api-api kokotéténgan. Sangeus
rada lila, kakara wé kaluar deui. Bluk, panto mobil ditutup. Saméméh muru ka
warungna, ayeuna mah tanggah heula nengetan imahna nu kaitung agréng. Dua
tingkat jeung lalega. Toko ngahiji jeung imahna. Ukur méakeun sapertilu tina lébarna
imah.
Srog deui ka jero toko. Manéhna masih kénéh ngajengjen di tempat saméméhna.
Masih kénéh ngeluk tur melenguk. Pasti manéhna bener-bener kasima. Sanajan bgeluk
tur satékah-polah nyumputkeun rupana, tapi geus kaburu katohiyan. Ti barang mimiti
jrut tina mobil ogé, beungeutna geus katénjo. Puguh baé basa srog ka buruan toko,
rupana katingali leuwih atra. Mémang basa mimiti nénjo mah masih kénéh rada asa-asa,
bisi salah titingalian, sanajan ti saméméhna geus ngarasa yakin yén ieu toko téh
anu manéhna.
“Teu aya rĂ©cĂ©h, Yum. Wios wĂ© atuh angsulna mah saayana wĂ© heula. KĂ© Ă©njing-pagĂ©to,
abdi kadieu deui…” nyobaan nebut ngaranana, kalayan rĂ©aksina beuki natrat. Teu
salah, ngaran manéhna pasti Ayum. Tadina mah rada asa-asa, bisi saukur sandiasma.
Manéhna milihan duit tina sorog. Tuluy ngasongkeun sababaraha lambar
uit pamulangan bari
anger ngeluk. Gap, ramona diranggeum. Diu sapan.
Lemes kabina-bina tur aya nu nyérédét kan a
satungkebing rasa. Manéhna henteu baruntak. Tapi angger ngeluk, lir anu teu weléh
hayang nyumput. Padahal geus taya gunana nyumput ogé. Sabab ayeuna mah beuki
yakin, yén manéhna pisa n
anu patepung di…
**
WANCI ngagayuh
ka tengah peuting. Malem Juma’ah Pon. Langit angkeub jajauheun ka geugeut. Bayeungyang
awak sakujur. Hareudang satungkebing rasa. Kilat patingburinyay lir motrét puluhan
beungeut anu keur pagelek-gelek di sabudeureun pajaratan. Awéwé jeung lalaki. Ku
taksiran, rata-rata umurna antara saparapat nepi ka satengah abad. Pasesedek, hayang
pangdeukeutna kan a
jahul.
Kaayaan ngadadak simpé basa Ki Kuncén mimiti gegerenyeman mapatkeun jampé-jampé
nu basana teu pati kaharti. Basa Jawa sigana mah. Jempling ngalingling peuting.
Ukur sora gegerenyeman Ki Kuncén nu meupeus simpé, sanajan ari galécok na saban
haté mah bisa jadi kawilang ramé. Ti saban dadasar haté, mentangkeun jamparing sawangan
jeung lalayang kahayang.
KĂ©, naon ari kahayang diri sorangan? Asa teu bararaid lamun kudu
kabawakeun ku jalma-jalma anu cara mikirna geus jauh tina réalistis. Tadi rebun-rebun,
tuturubun miang ti Bandung ,
ngagandong kantong nu eusina laptop jeung CD program. Tangtu wé program
bajakan, da anu original mah awis kabina-bina. Jeungna deui, di Indonésia mah geus
tradisina maké program bajakan. Meulina ogé ti nu ngampar di trotoar, peuntaseun
pisan kantor pulisi.
Anjog ka statsion Hall. Gura-giru muru kana karéta. Clé, naék karéta
bajakan… aĂ©h, sigana karĂ©ta mah lain bajakan basana, tapi karĂ©ta sĂ©ken. Bubuhan
karéta original mah awis kabina-bina. Kajeun teuing lah, nu penting mah gancang
wé ngabelesatna tur anjog ka tujuan kalayan salamet. Milih kelas éksékutif,
ngarah tumaninah jeung gancang nepi. Jam dua leuwih saparapat, karéta séken geus
anjog ka statsion Solo. Tadina mah rék solat lohor heula, tapi asa rada wararegah.
Pangpangna mah melang kana eusi kantong. Sieun aya nu mali ng sabot
keur wudu. Basa leungit kaméra digital di Terminal Cirebon ogé, apan harita téh
sabot ditinggalkeun wudu. Padahal kantong téh dipihapékeun ka tukang nampung
titipan barang anu resmi. Dasar bangsat! Boa-boa harita téh kongkalingkong
jeung patugas penitipan barang.
Ti statsion karéta, naék beus jurusan Purwodadi. Bubuhan tempat anu
rék dijugjug téh tacan pati apal perenahna, kapaksa rada tatanya heula ka kondéktur,
puguh baé bari haharéwosan.
Éra nanyanakeunana. Kondéktur ogé bangun anu surti. Manéhna ukur unggeuk bari jangji rék ngabéjaan
lamun geus waktuna kudu turun. Atuda béda jeung dina internét. Hayang anjog ka
nu dituju téh kari mencét www.anu.com. Dina teu nyaho atawa poho deui, kari
muka situs www.google.com atawa situs séjénna nu méré layanan pikeun maluruh
alamat. Tapi… anggap wĂ© kondĂ©ktur ogĂ© sabangsaning www.google.com.
Jrut, turun tina beus. Rét kana jam tangan. Kakara jam tilu. Tapi panonpoé
geus ampir katutupan méga hideung. Langit ceudeum. Sigana hujan kari
sacur-cureun. Rurusuhan muru ka jalan mudun. Saméméhna ngarérét heula kan a plang anu ditancebkeun
di sungut jalan. Enya, teu salah kondéktur téh, abong disebut google.com. Srog
ka sisi situ. Aya tilu parahu jeung tukang ngawélah. Nu maké dudukuy ngabagéakeun
tur nawaran pikeun meuntas. MĂ©mang, taya deui jalan iwal ti kudu numpak parahu,
da moal bisa nga-instal heula program
kapal laut mah. Aya éta ogé jalan badarat, tapi asupna kudu ti Jalan Gemolong,
geus kaliwat bari
jeung sarua-rua kénéh kudu numpak angkutan tur tangtuna ogé kudu mayar. Sajeroning
adu-rega ongkos naék parahu, saurang wanoja teu eureun ngaréwong nawarkeun
kembang anu dibungkus ku daun cau. Cenah mah éta téh tujuh rupa kembang keur engké
nyekar di pajaratan. Antukna mah ongkos numpak parahu geus sapuk, atuh kembang
ogé kapaksa dibeuli, da ngajualna bangun anu maksa, pilakadar lima rébu pérak.
Numpak parahu, ngangkleung meulah situ. Aya kasempetan tatanya ka
tukang parahu ngeunaan tempat anu rék dituju. Barang dtanya téh, manéhna giak
ngawalon, malah semu atoheun naker diajakan ngawangkong. Cenah mah ti isuk-isuk
mula ogé geus ngaleut nu mareuntas, ti Jakarta ,
Bandung , Surabaya , jeung sajabana.
Sabab, anu leuwih apdol mah nyekar ka pajaratan tĂ©h mĂ©mang dina malem Juma’ah
Pon.
“Istrinya udah duluan ya,
Mas?” tanyana.
“Saya belum punya istri,
Mas,” tĂ©mbal tĂ©h. Ngahaja, api-api teu ngarti.
“Lho, maksudku bukan istri
yang di rumah. Tapi… istri batin…”
“Istri batin gimana?”
“Mas baru ya ke sini?” manĂ©hna mali k
nanya.
“Iya, pingin tahu aja…”
“Ntar mau jiarah kan ?”
“Iya,”
“Nah, nanti setelah jiarah,
Mas harus ngejalanin saratnya,”
“Apaan saratnya?”
“Ya… harus nyari pasangan
buat jadi istri batin,”
“Waduh, gimana caranya?
Saya kan belum
pada kenal…”
“Tenang saja, di sana banyak koq. Tapi
kalau mau lebih bagus, mestinya Mas bawa istri orang. Itu bisa lebih cepat kaya
raya, Mas…”
“Ah, masa?”
“Cobain saja…” pokna bangun nu yakin. SakolĂ©bat beungeut Riska nĂ©mbongan. Minggu kamari
manéhna dibawa meuting di Cipanas, basa kaparengan salakina keur nyaba ka luar kota .
Naon rupa anu diomongkeun ku tukang parahu téh sabenena geus nyaho. Si
Darojat, babaturan di Bandung ,
geus kaitung rada lengkep medar ngeunaan pajaratan Pangéran Samudro jeung Ratu
Ondrowulan. Nurutkeun Si Darojat, éta pajaratan nu kiwari pada ngajugjug téh mangrupa
pajaratan kutukan. Nurutkeun sasakalana, Pangéran Samudro katohyan salingkuh
jeung indung téréna, Ondrowulan. Wiwirang di kolong catang tumiba ka kulawarga
karajaan. Antukna duanana dipaténi. Tapi saméméh paragat, Pangéran Samudro jeung
Ondrowulan masih sempet ngalahir: sing saha baé nu isuk jaganing géto aya anu daék
nebus wiwirangna, mangka hirupna bakal medah-meduh, beunghar moal kapalang, tur
bisa nyangking pakaya nu kawilang rongkah. Nu pacabakanana tatanén, bakal mucekil
hasilna. Nu dagang, bakal payu daganganana. Jeung lian-lianna.
Jrut, tina parahu. Enya wé, sanajan langi beuki angkeub, tapi jalma
mani ngaliud. Warung-warung nu ngajajar sapanjang jalan, katingalina téh mani haneuteun.
Méh saban imah dipaké warung. Boa urang dieu mah kabéhanana ngawarung. Puguh baé
mimitina rada barieukeun milih warung téh. Rét ka hiji warung anu teu pati réa
jalma. Teu loba mikir deui, blus wé asup. Tilu urang lalaki jeung dua urang awéwé
keur anteng nyuruput inuman bari
sempal-guyon bangun anu geus loma. Lalaki nu pangkolotna buru-buru cengkat,
ngabagéakeun bari
nyiapkeun bangku kosong. Pasti manéhna nu boga warung.
“Silahkan duduk, Mas. Mau
minum apa?” kitu pokna. Teu nyalahan, mĂ©mang nu boga warung.
“Kopi aja, Mas,” tĂ©mbal tĂ©h
bari ngécagkeun
kantong kana bangku, sarta gék diuk. Manéhna gusat-gesut nyieun cikopi. Téréh
naker, da teu lila ogé geus ngurunyung bari
mawa cikopi. Sok, ditunda dina méja.
“Rokoknya sekalian?”
tanyana deui.
“Iya, Mas, rokok kretek
sebungkus…” tĂ©mbal tĂ©h bari
kop kana gelas cikopi. Suruput, disuruput, diuyup lalaunan, da puguh panas kénéh.
Manéhna ngojéngkang deui muru kan a
rak. Teu lila, tuluy nyampeurkeun bari
mikeun roko. Malah geus kitu téh manéhna ogé gék diuk gigireun. Sakolébat panon
ngarérét ka awéwé anu saméméhna keur ngawangkong jeung manéhna.
“Silahkan Mas, kalau lagi
ngobrol, dilanjut saja…” cekĂ©ng tĂ©h bari
ngarérét ka gigireun. Karun ya, bisi kaganggu.
“Ah, enggak, santai saja,”
témbalna bari
ngarérét ka nu beuki anteng sempal-guyon. Sakedapan kabawakeun ningali ka lebah
maranéhna. Malah tuluy ditengetan saurang-saurang. Anu keur ocon sempal-guyon téh
tiluan. Dua ur ang
lalaki jeung saurang awéwé. Ari awéwé nu saurang deui mah diukna ogé rada
nenggang, anteng sorangan ngenyot roko bangun anu nikmat naker. Pakéanana sing
sarwa mini, lir anu hayang némbongkeun kapeungkeuran awakna. Beungeutna ogé camohok
ku wedak. Teu pati alus keureutan rupana mah, tapi katulungan ku awakna. Sabéngbatan
ogé langsung kataksir, yén éta awéwé pasti moal jauh ti ungkluk.
Rét deui ka nu tiluan. Awéwé diuk di tengah, diapit ku dua urang
lalaki. KĂ©, kĂ©… nilik kan a
keureutanna mah asa henteu jiga-jiga awéwé teu bener. Pakéanana biasa-biasa waé,
basajan. Maké calana panjang kalayan henteu merecet, tur ka luhurna ogé dikaos
panjang, lumrah wé. Beungeutna mémang henteu dilapis wedak, tapi da manéhna mah
katingalina geus camperenik bawana ngajadi. Awakna ogé sampulur. Ku taksiran,
jangkungna 170 Cm, beuratna 63 Kg. Tuuuh… idĂ©al pisa n. Atuh umurna paling ogĂ© 30 taunan.
Anéhna, wanoja anu sakitu camperenik téh bet dadaékanan diuk pagéyé-géyé
jeung dua urang lalaki anu kalintang henteu nurub cupuna. Teu mécing. Lalaki nu
hiji, buukna gimbal, kulit hideung, rupana ogé henteu kasép, jeung umurna asa
moal kurang ti 40 taun. Nu hiji deui mémang siga rada ngora kénéh. Tapi pakéanana
asa mapantes manéh pisan. Iwal ti warnana anu teu nyambung téh, katambah mani
kalalotor, boa geus saminggu acan diseuseuhna ogé. Rada aya rupaan, tapi
kuleuheu.
“Dari mana, Mas?” tukang warung ngaharĂ©wos, ngagareuwahkeun rupaning
sawangan.
“Jakarta ,” tĂ©mbal tĂ©h, da piraku rĂ©k dipĂ©nta KTP
mah.
“Oh, jauh juga. Emh… enggak bawa
pasangan? Atau udah janjian?”
“Enggak, Mas…” tĂ©mbal tĂ©h.
“Kalau begitu, sama dia saja. Namanya
Susi,” kituna tĂ©h bari
ngarérét ka awéwé nu beuki anteng ngenyot roko, sakapeung diselangan ku nginum.
Lain cikopi, da sidik tina mérekna ogé éta mah inuman anu ngandung alkohol.
“Memangnya mesti punya pasangan,
Mas?” pangangguran nanya tĂ©h.
“Lho, itu kan buat saratnya. Nanti kalau sudah ziarah,
Mas harus nikah batin…” tĂ©mbalna.
“Terikat apa enggak, ya?”
“Ah, enggak. Cuma buat sarat aja,
biar maksud cepat terkabul…”
“Berapa bayarnya?”
“Itu sih terserah. Nego aja
sama orangnya…” tĂ©mbalna bari
ngojéngkang ka lebah Susi. Puguh baé ngaranjug. Tapi haté ngemplong basa
leungeun tukang warung ngarongkong saklar lampu. Cetrék, bray! Beuki atra
kaayaan jero warung téh. Bréh, di beulah tukang aya panto ngabaris, jumlahna tujuh.
Saban panto dinomberan. Siga hotél baé.
Tapi kaayanana jauh taneuh ka langit. Di dieu mah kamarna ogé meni asa laleutik
pisan ukuranana. Ditaksir téh paling ogé lébarna 1,5 méter. Teuing tah
panjangna mah, kudu nyobaan heula asup. Mangkaning dipenggelna ogé sigana mah
ku triplék, da puguh titibing warung ogé ku triplék. Lalangitna wé maké bilik.
Réngsé nengetan kaayaan warung, panon téh bet eunteup deui ka si
camperenik. Teuing kunaon, saban neuteup manéhna, bet aya nu gaguruh dina
jeroning dada. Sakolébat, manéhna malik neuteup. Buru- buru
ngabalieur, méngparkeun panon ka tukang warung anu kakara diuk deui di
gigireun.
“Kalau dia udah ada diboking ya?” rada
haharéwosan nanya téh, bari
ngarérét ka nu keur digugulung ku dua urang lalaki.
“Dia sih tamu, sama mau jiarah…”
“Jadi, kalau tamunya wanita, gimana
nyari pasangannya?”
“Lho, yang laki-laki itu kan pasangan dia…”
“Yang mana, Mas?”
“Dua-duanya,”
“Dua-duanya?”
“Iya, dia memang punya suami batin
dua oran g.
Katanya sih biar cepat kaya. Dan bener juga, sekarang usahanya makin sukses.
Katanya sih dia buka toko…” manĂ©hna kapapanjangan.
“Emh… jadi… dia datang ke sini sama
pasangannya?”
“Enggak. Itu yang laki-lakinya oran g sini. Dulu, saya
yang ngenalin sama dia. Terus, saya kasih saran, kalau ke sini lagi, suami
batinnya jangan ganti-ganti.
“Oh…” ukur kitu komĂ©ntar tĂ©h, bari ngarĂ©rĂ©t kana jam
tangan. Geus jam genep geuningan, tapi asa teu ngadéngé adan Magrib. Kaayaan di
luareun warung beuki poék. Angkeub ti burit mula, tapi anéh hujan téh henteu cur
baé.
Ngawangkong ngalér-ngidul jeung tukang warung, kaselang ku ditinggalkeun
sabot ngaladangan. Beuki lila, tamu beuki loba. Jul-jol, nu daratang papasangan
sarta tuluy dariuk di warung. Warung ogé mingkin haneuteun. Aya nu saukur
nginum kopi, susu, téh manis, tug nepi ka inuman anu ngandung alkohol. Awéwé-lalaki
geus henteu ragab. Sempal-guyon bari
ocon, malah sakapeung mah sok kaleuleuwihi heureuyna téh, boh obrolan atawa paripolah.
“Berapa yang ke luar!” tukang warung ngagorowok, basa tilu urang lalaki ngaliwat.
“98! Mau pasang lagi, enggak?” tĂ©mbalna.
“Enggak ah, kalah terus dari pagi!” pokna tukangwarung, bari semu kutuk gendeng.
Teu hayang nanyakeun, da geus pasti ur usan
judi lokal. Ngocokna ogé pasti manual, da asa teu ngambeu-ngambeu komputer. Suasana
sabudeureun tempat jiarah téh éstuning matak kerung nu anyar apal. Untung wé
saméméhna geus dibekelan rupaning informasi ti Si Darojat.
Tit…! HapĂ© disada, ngabĂ©jaan aya SMS. Ngahaja nadana minimalis. HapĂ©
dikodok tina saku calana. Tuluy SMS dibaca. Pa
Handoyo nu ngirimna. Eusina, “Jadi besok ke Solo?” kitu cenah. Langsung wĂ©
dijawab deui ngaliwatan SMS, “Ok, jadi!” Cukup sakitu ogĂ©. HapĂ© disimpen deui kan a saku calana. RĂ©t kan a jam tangan. Wanci
geus nyedek ka tengah peuting. Nu ngagimbung di warung mimiti carengkat. Tuluy
babayar ka tukang warung. Si Camperenik ogé cengkat. Manéhna nyampeurkeun
tukang warung. Tuluy ngasongkeun duit saratus rĂ©wu, bari pok nyarita, “Entar aja kembaliannya.
Eh… kamarnya nomor satu ya Mas…!” kitu cenah.
“Siaaap…” ceuk tukang warung bari
nyéréngéh.
“Ayo, takut enggak kebagian tempat!” lalaki nu rada ngora, ngalĂ©ng
si camperenik ti kéncaeunna. Lalaki nu hiji deui ogé siga nu embung éléh, da
langsung ngaléng si camperenik ti katuhueunana. Léos, maranéhna kaluar ti
warung.
“Mas, kamar nomor dua, saya yang boking! Ntar aja ngitungnya” cekĂ©ng
téh bari ngeupeulan
duit anu jumlahna sarua jeung si camperenik.
“Itu tasnya simpan di kamar saja!” pokna tukang warung bari nunjuk ka panto
kamar. “Mau dibawa aja, Mas,” kitu nĂ©mbalan tĂ©h. Lalawora pisan lamun kudu nurut
mah. Laptop téh lain barang murah. Nu leuwih pentingna, sagala rupa piduiteun téh
ngancikna dina laptop. Cilaka kabina-bina lamun laptop leungit téh.
“Emang isinya apa, Mas?” tanya tukang warung.
“Cuma baju doang…” kitu nĂ©mbal tĂ©h. Da piraku kudu ditataan nu
sabenerna mah, kuriak aya nu ngadodoho.
“Oh, ya sudah kalau mau dibawa juga tidak apa-apa. Nanti tidurnya di
sini ya…” pokna deui tukang warung.
“Iya, Mas…” bari
ngajawab téh buru-buru ngaléngkah, hayang leumpang tukangeun si camperenik. Enyaan,
lenjang disawang ti tukang téh. Manéhna tonggoy leumpang, nété tétécéan nu
nganteurkeun ka hiji wangunan geusan pangiuhan pajaratan Pangéran Samudro jeung
Ondrowulan. Blus, blus, arasup, paheula-heula sila hareupeun pajaratan. Ari awéwé
mah tangtu wé arémok.
Enyaan teu réalistis cara malikirna téh. Saréréa némbongkeun pamulu nu
husu, sigana pada-pada ngedalkeun rupaning kereteg haté, seja muntang tulung ka
nu ngageugeuh…
(2)
“TADI sih
didiemin saja, jadi keburu ada yang nyamber…” pokna tukang warung bari ngahĂ©hĂ©h. Kapaksa
milu seuri. Padahal da asa henteu pati ngarasa hanjelu. Paduli teuing Susi rék
diboking ku sasaha ogé, da teu pati ngarey. Tadi ogé ukur dirérét ku juru
panon, basa Susi dikaléng ku saurang lalaki, sarta blus arasup ka kama r nomor tilu. Malah sakur nu arasup ka jero kama r téh karérét. Tina tujuh kamar, kabéh ogé geus aya
eusian. Tinggal kamar dua nu tacan diasupan téh.
“Ya udah, saya cariin ke warung sebelah. Kali aja ada yang masih
nganggur…” kitu pokna tukang warung bari
cengkat. Tayohna mah karunyaeun pédah can meunang layan.
“Enggak usa h,
Mas. Nyantai saja…” tĂ©mbal tĂ©h bari
rada mésem.
“Lho, percuma jiarah kalau tidak ngejalanin saratnya…” manĂ©hna
kerung.
“Tapi saya agak pusing, Mas. Mual lagi. Kayanya mendingan tidur saja…”
kitu témbal téh bari
ngarérét ka lebah panto kamar.
“Ya, kalau memang pusing, tidurin aja, Mas! Buat sarat sih besok
juga enggak apa-apa,” pokna. Plong, hatĂ© asa longsong. Ti barang anjog ogĂ© hatĂ©
geus panceg, moal nepi ka kagoda ku ungkluk di ieu tempat jiarah. Teu ari-ari
maké jeung kudu ngaboking ungkluk. Sarua baé ungkluk mah di mamana ogé, boh di
diskotik, di internét, pon kitu deui di tempat jiarah. Pangpangna mah haté teu
méréan lamun kudu rucah dina raraga ngalakonan sarat hayang beunghar. Mémang rumasa
henteu kaasup jalma bener. Tapi ari nepi ka kudu musrik mah kéheulaanan. Najan
enya hayang beunghar, tapi ari ku cara muja ka Si Samudro mah asa bararaid. Maké
jeung aya istilah istri batin atawa suami batin. Rucah mah nya rucah wé, teu
kudu dibungkus ku mistik sagala rupa. Ti Bandung mula ogé niatna ukur hayang ngabuktikeun
bener henteuna dongéng Si Darojat. Tétéla geuningan teu nyalahan.
Tujuan miang ti Bandung
ka Solo téh, anu utamana mah rék nepungan Pa Handoyo, rék ngagawéan proyék web-site. Hayang ditungkulan cenah nyieun
desain web-na, ngarah bisa luyu jeung
sakahayangna. Teu bisa nampik, da manéhna siap mayar kalayan rega anu kawilang pantes.
Biasana mun aya nu ménta dipangnyieunkeun web
téh tara pangih-panggih acan jeung jelemana
mah. Cukup ditalék, hayang jiga kumaha karakteristikna, sarta dibéré sababaraha
alternatif desain piliheun. Tapi Pa Handoyo mah keukeuh nitah ka Solo. Kajeun
ngongkosan, malah ngajangjian rék méré nu bahénol sagala. Tapi langsung
ditampik, kalayan api-api teu resep. Atuda nu kararitu mah bisa néangan
sorangan ieuh, teu kudu dipatalikeun jeung urusan bisnis, bisi apes. Rada
narsis tah Pa Handoyo téh. Mangkukna geus dipangmeulikeun domain, kalayan ménta dingaranan www.handoyo-yes.com.
“Mau tidur sekarang?” tukang warung nanya deui. Kaayaan geus mimiti
karasa simpé. Uk ur
séahna hujan nu beuki ngagedéan.
“Iya, tidur saja deh…” tĂ©mbal tĂ©h bari jung nangtung, tuluy ngalĂ©ngkah muru ka
lawang panto kamar nomber dua. Sakolébat ngarérét kana panto kamar nomber hiji.
Enya, teu nginjeum panon, si camperenik téh asup ka kamar nomber hiji kalayan
dituturkeun ku dua urang lalaki. Teu hayang ngarérét ka kamar nomber tilu mah.
Blak, panto dibuka, blus ka jero kama r.
Enya, hareurin pisa n.
Panjangna ukur 2 méter. Teu nyalahan, pipindingna ogé maké triplék. Sok, kantong
ditunda gigireun. Golédag, ngagolér bari
neuteup lalangit bilik nu rupana konéng kacaangan ku lampu lima wat. Ceuli ngadadak rancung barang ngadéngé
nu humarurung ti kama r tilu. Komo deui, sora ti
kamar mah hiji asa leuwih harus kadéngéna, matak ngarey sakujur awak. Keteg
jajantung ngagancangan. Haté teu puguh rarasaan. Sakolébat bet aya rasa hanjakal
henteu ngaboking Susi.
Samenit, dua menit, haté masih bisa dikadalikeun. Sora rerekétan, nu
humarurung, nu ngarahuh, teu weléh kadéngé. Lila-lila mah teu kuat. Buru-buru
hudang, sarta ngojéngkang muka panto. Tuluy ka luar ti kama r
dibarung rupa-rupa rasa nu pagaliwota minuhan dada. Kasampak tukang warung keur
bébérés. Panto jeung jandéla warung geus ditutup-tutupkeun.
“Lho, belum tidur juga, Mas?”
“Iya, ditidurin juga susah…” tĂ©mbal tĂ©h bari gĂ©k diuk, nyanghareupan mĂ©ja anu kakara
dielapan.
“Mau minum kopi lagi?” tanyana.
“Jangan kopi, Mas. Coba minta yang hangat-hangat…” tangtu manĂ©hna
surti, yén anu dipénta téh inuman nu ngandung alkohol. Enya wé, da langsung
ngojéngkang muka lomari. Tuluy nyokot inuman tilu botol. Tutupna dilaanan
heula. Sanggeus kitu, dijagragkeun dina méja.
“Makanya biar bisa tidur, saya cariin buat nemenin…” pokna.
“Enggak usa h,
Mas. Mending minum aja. Ayo minum, Mas!” cekĂ©ng tĂ©h bari kop kana beuheung botol. Leguk, leguk, diuyup,
teu dirasa sanajan pait ogé.
“Terimakasih. Saya enggak minum, Mas,” tĂ©mbalna. GĂ©k manĂ©hna diuk di
peuntaseun méja.
“Kalau mau tidur duluan, silahkan Mas. Biar saya sendiri aja di
sini. Jangan takut, saya pasti bayar…” cekĂ©ng tĂ©h bari kop deui kana botol sĂ©jĂ©n.
“Wah, kalau itu sih percaya. Tenang saja. Saya masih nunggu istri
koq…” tĂ©mbalna.
“Memangnya lagi kemana? Dari tadi, saya tidak melihat istrinya Mas…”
panasaran, da tatadi mula asa teu kungsi nyabit-nyabit pamajikanana. Tapi manéhna
teu némbalan. Ukur mésem bari
ngarérét ka lebah panto-panto nu ngajajar.
Kolotrak, panto nomber tujuh muka. Teu lila, sapasang manusa deukeut-deukeut
kana tengah tuwuh kalaluar bari
saukur dibulen anduk. Maranéhna muru kana panto pangtukangna. Gewur, gewur, kadéngé
sora ti kama r mandi. Keur marandi sigana mah.
“Dia juga orang Jakarta ,”
pokna tukang warung, rada ngaharéwos.
“Yang laki-laki atau…”
“Ya, yang laki-laki. Dia bawa mobil sendiri,”
Panjang umurna mah. Nu lalaki geus norojol tina panto tukang. Tuluy
asup deui ka kama r tujuh. Teu sawatara lila,
ka laur deui bari
geus maké pakéan sapuratina. Manéhna ngaléngkah, nyampeurkeun. Gék, diuk,
gigireun tukang warung.
“Aku mau balik ke sekarang…” kitu pokna.
“Lho, masih hujan Mas,” ceuk tukang warung.
“Enggak apa-apa,” tĂ©mbalna bari
nyolongkrong ngajak sasalaman. Gap, ditampanan ku tukang warung. Jung, manéhna nangtung
bari ngarérét
ka nu ngalalar ti beulah tukang. Teu kanyahoan datangna, awéwé nu awakna uk ur dibulen anduk
ujug-ujug geus nangtung gigireun tukang warung.
“Jadi, mau maksa berangkat sekarang?” tanyana bari ngagibrigkeun buukna nu kulimis.
“Ya, malam Jum’at pon pasti ke sini lagi…” kituna tĂ©h bari gap kana tak-takna.
Celepot, nyium tara ngna. Tukang warung ngojéngkang
ka lebah panto. Keletrék, tula kna
dibuka. Blak, panto muka. Hujan geus ampir raat, tapi masih kénéh ngapruy. Lalaki
urang Jakarta ngaléngkah
ninggalkeun warung, dijajapkeun ku paneuteup tukang warung nepi ka leungit
dilegleg mongkléng. Bluk, panto ditutupkeun deui.
“Boleh minta minumnya?” awĂ©wĂ© nu dibulen anduk geus diuk gigireun.
“Silahkan…” tĂ©mbal tĂ©h bari
ngagésérkeun botol inuman.
“Terimakasih ya…” kituna tĂ©h bari
gap kana beuheung botol. Leguk, leguk, aya kana lima legukna nguyup inuman.
“O ya… kenalin ini Sumi, istri saya…” pokna tukang warung bari ngarĂ©rĂ©t ka awĂ©wĂ© nu
diuk gigireun. Puguh wé ngaranjug kabina-bina. Sajongjongan mah asa cangcaya.
Tapi da asa teu salah déngé. Rét, ka gigireun. Manéhna imut bari nyolongkrong ngajak sasalaman.
“Sumi,” pokna.
“Darma…” cekĂ©ng tĂ©h bari
nampanan leungeunna. Haneut nyambuang tingseleser kana satungkebing rasa.
“Yang tadi itu suami batinnya,” pokna deui.
Aya kénéh nu hayang ditanyakeun téh. Tapi teu kebat, sabab aya nu
gegedor kan a
panto. Malah bari
tingceuleuweung ngageroan ngaran Marno.
“Wah, bahaya, cepat masuk ke kama r!”
ceuk tukang warung.
“Ada
apa memangnya?”
“Dari kemarin, Si Marno sudah pada nyari. Pasti sekarang mau
digebukin…”
“Marno?”
“Si Marno itu yang tidur di kamar satu! Ayo cepat masuk kamar!”
Sumi tibuburanjat bari
ngajĂ©wang pigeulang leungeun. “Ayo ke kamar saya aja!” kituna tĂ©h bangun nu
maksa, metot leungeun, mamaksa asup ka kamar tujuh. Blus, ka kama r
tujuh. Bluk, panto kamar ditutup. Jeprét, ditulakan.
Sumi ngagolédag dina ranjang bari
barawél simbut. Tuluy diharudum simbut. Belewer, anduk dibalangkeun ka
tunjangeun. “Ayo, tidur di sini!” kituna tĂ©h bari metot pigeulang leungeun.
“Ya, tunggu dulu…” cekĂ©ng tĂ©h bari
ngépéskeun leungeun Sumi. Ukur diuk di sisi ranjang bari ngadédéngékeun nu pahibut di rohangan
tengah. Sora lalaki, sigana leuwih ti tilu urang, sesentak ka tukang warung, nanyakeun
kamar Si Marno. Tapi teu lila, aya panto kamar ngolotrak. Sigana mah ti kama r hiji. Sabab, nu sesentak ka tukang warung téh, jadi
malik hahaok bari
nyebut ngaran Marno. Malah aya sora ngajekuk jeung ngagoak.
“Sudah, sudah, kalau mau berantem, jangan di sini! Ini kan warung. Malu, lagi
banyak tamu…” kadĂ©ngĂ© sora tukang warung, rada leuleuy. Nu gararandĂ©ng tĂ©h ngajauhan.
Beuki jauh, tug nepi ka henteu kadéngé deui. Geus kitu mah kakara wé cengkat.
“Mas, sudahlah tidur aja di sini…!” Sumi ngageroan. Teu hayang
ngalieuk, da puguh ari pangjurung tina jeroning dada mah ngabebela. Hayang
kitu, hayang kieu. Tapi… sieun musrik. Gap kana tula k panto. Blak, panto dibuka. LĂ©os,
ninggalkeun kama r Sumi. Di rohangan tengah, ukur
aya tukang warung nu keur diuk sorangan.
“Ada
apa sebenarnya, Mas?” tanya tĂ©h bari
gék diuk gigireunana.
“Biasa, masalah judi. Ah… itu ur usan
biasa, anak muda. Mereka tidak akan berani mengganggu tamu,”
Sakolébat, panon néwak lokét nu ngagolér handapeun méja. Teu loba
mikir, langsung wé dicokot.
“Ini dompe siapa, Mas?” cekĂ©ng tĂ©h bari ngasongkeun lokĂ©t.
“Enggak tahu…” tĂ©mbalna bari
kerung.
Kita lihat saja isinya.Barangkali ada KTP…” cekĂ©ng tĂ©h. ManĂ©hna
unggeuk, nyatujuan.
Lokét dibuka. Dipariksa eusina. Tapi uk ur aya duit sababaraha lambar.
Teu maggih KTP atawa tanda pengenal nanaon. Aya ogé lipetan keretas anu
geuslecek. Panasaran, tulisanana dibaca. Tapi ngaran awéwé jeung alamatna. Ké,
ké, naha alamat
Bandung ? Keretas
buru-buru dilipetkeun deui. Sup, disimpen deui kana ur utna.
“Gak ada pengenalnya…”
“Ya udah, nanti besok aja ditanyain ke Si Marno. Sepertinya dompet
Si Marno. Dia memang tidak punya KTP…” pokna tukang warung bari tuluy ngarawatan lokĂ©t. Lamun bener Ă©ta
lokét si marno, hartina aya kamungkinan ngaran jeung alamat awéwé nu ditulis téh
taya lian… si camperenik. Untung inget kĂ©nĂ©h. Moal nepi ka poho. Piraku teuing,
ngapalkeun pasword ogé aya kan a
duapuluhna, teu poho. Komo deui ngapalkeun ngaran jeung alamat hiji awéwé nu teu
weléh rioriakan dina kongkolak panon.
“Kasihan, Mbak Lina ditinggalin…” pokna tukang warung.
“Dua-duanya pergi? Kan
Cuma Si Marno?”
“Enggak. Si Tanto juga ikut pergi…” tĂ©mbalna.
“Saya mau tidur dulu, Mas. Sekarang sudah mulai ngantuk…” jung
nangtung. Léos, ngaléngkah muru ka kama r dua.
Saméméhna ngarérét heula ka panto kama r hiji.
Lina ngan sorangan. Siuup ka jero kama r. Gap
kana kantong. Tuluy dipariksa eusina. Euweuh nu leungit. Golédag, ngagolér dina
ranjang. Ti kamar hiji euweuh sora nu rerekétan deui, jempling. Tapi ti kama r tilu mah kadéngé sora tinggerendeng. Sakapeung Susi
nyikikik. Ngagoda pisa n
Susi téh. Ras inget ka kamar hiji. Lina ngan sorangan. Moal nanaon kitu lamun
pantona diketrok? Tuluy asup, ngajak wawanohan. Ah, bisi piomongeun kétang. Nu
jelas, asa yakin pisan, ngaranana pasti lain Lina. Ras deui ka kama r tujuh. Kari daékna, tinggal blus ka jero kamar.
Sumi pasti atoheun naker. Tapi éta kahayang téh buru-buru disieuhkeun jauh
naker. MĂ©mang rumasa lain jalma bener. Salila ieu, lamokot ku dosa. Tapi… ari
digolongkeuyn jalma musrik mah kéheulaanan. Ku kituna, satékah-polah ngonci
kahayang, sangkan henteu nyorang rucah di…
(3)
GUNUNG Kemukus. Lalakon
nyileuk sapeuting jeput narémbongan deui. Bari
nampanan pamulangan téh, panon teu leupas neuteup beungeutna. Bet kadéngé deui sora
rerekétan, humarurung, jeung nu rénghap-ranjug.
“Malem Juma’ah Ă©njing badĂ© ka itu deui?” ngahaja nanya kitu, ngarah
langsung keuna kana mamarasna. Teu nyalahan, da manéhna ngaranjug. Sakilat
cengkat tina tungkul. Teup, neutep seukeut.
“HĂ© hĂ© hĂ©… meni galak melongna, tapi lucu. Asa langkung menggairahkan. Éh, muhun kan Ă©njing tĂ©h dinten
Kemis? Maksad tĂ©h Malem Juma’ah Kaliwon…” salsĂ© wĂ© nyarita tĂ©h, najan bari dipencrong sakitu seukeutna.
“Maaah! Si AdĂ© tos gugaaaah!” kadĂ©ngĂ©
sora lalaki ti jero imah. Manéhna ngaranjug kadua kalina bari ngalieuk ka lebah datangna sora.
“Ieu kartu nami akang. Diantos
telepon atanapi SMS-na!” nyarita kitu tĂ©h bari
nyimpen kartu nama luhureun Ă©talaseu.
Ngan sakilat, katu nama dicokot,
sarta tuluy disakuan. Léos, manéhna ngaléngkah muru kan a panto anu nyambungkeun jeung imah. Saméméh
muka panto, manéhna kaburu kénéh ngalieuk. Aya isarah nu kabaca tina
beungeutna. Enya, manéhna nitah buru-buru indit sarta jangji bakal ngontak kana
hapé. Kitu meureun ku kira-kira mah harti nu kabaca tina ekspresi beungeutna. Nyaah
kabina-bina. Wanoja camperenik, tapi tukang rucah.
Isukna, rebun-rebun kénéh manéhna
geus ngirim SMS. Cenah mah manéhna geus ngadagoan di statsion karéta, tur geus
meuli tikét keur duaaneun. Manéhna ngajak ka Solo babarengan.
“Kadieu wĂ© heula!” kitu tĂ©mbal tĂ©h,
sarua ngaliwatan SMS.
“Énggal, bilih telat!” kitu
balesanana.
“Wios, gampil telat mah, kantun mĂ©sĂ©r
deui tikĂ©tna. Ka dieu wĂ© heula!”
“Ka mana sih?”
Ku nanya kitu ogé, pasti manéhna léah.
Langsung wé ngetik alamat imah, kalayan nitah manéhna sangkan buru-buru
nyampeurkeun tur numpak taxi. Sangeus kitu, tuluy dikirimkeun. Tay a jawaban deui. Tapi haté bet ngarasa yakin yén manéhna
langsung numpak taxi sarta sakeudeung deui bakal anjog ka imah.
Selang sawatara menit, bél disada. Haté
bungangang. Kahayang anu geus disawang téh tangtu bari s kasorang. Kieu pisan éndahna hirup
nyorangan téh. Ayum tangtu geus ngajanteng di lawang panto. Sakeudeung deui manéhna
bakal pasrah sumer ah,
nyanggakeun sadaya-daya.
Blak, panto dibuka. Teu salah. Manéhna
nangtung di lawang, némbongkeun tangtungan nu jangkung lempay. Asa beuki méncrang
baé.
“Ayum…. sok, mangga, ka lebet!”
“Aya saha di bumi?” manĂ©hna kalah malik
nanya.
“Apan aya abdi sareng Ayum. Sok, mangga…”
asa geregeteun, nepi ka teu kakontrol ujug-ujug ngarawél pigeulang leungeunna. Lemes,
ngageleser, matak tingsariak kan a
satungkebing rasa.
Manéhna henteu nampik. Nurut wé diajak
ka jero téh. Gék, diuk dina sopa, tuluy ngeluk bari ngoprék tungtung seléting kantongna. Geus
kitu mah, ngahaja diuk téh gigireunana, paadek, malah rada nyérédkeun. Manéhna rék
ngoléséd, tapi kaburu dicekelan taktakna.
“Ari carogĂ©, terangeun Ayum sok ka
Gunung Kemukus?” tanya tĂ©h, antarĂ© wĂ©, da asa teu kudu gurunggusuh. ManĂ©hna
ukur neuteup sakedapan, tuluy gideug. Luk, ngeluk deui.
“HĂ© hĂ© hĂ©… hĂ©bat, tiasaan Ayum mah,
dugi ka teu kapendak ku carogé. Kumaha tah karaosna hasil ti Gunung kemukus téh?
Naha aya
pangaruhna kana usaha Ayum?”
“Karaos pisan, Kan g. Kawitna mah toko tĂ©h sepi pisa n. Saatos jarah ka
ditu, rada majeng toko tĂ©h…” tĂ©mbalna, bangun nu yakin.
“Oooh… pantesan atuh mani tanginas
ari tos karaos hasilna mah. KĂ©, dupi pameget nu duaan tĂ©h pendak dimana?”
“Maksadna carogĂ© batin abdi?” manĂ©hna
mali k
nanya.
“HĂ© hĂ© hĂ©… muhun, nu mana deui
atuh…”
“Abdi pendak di tempat jiarah. Dikenalkeunana ku tukang warung nu harita
téa. Duanana ogé asli ur ang
dinya. Kawitna mah abdi ogĂ© mung badĂ© saurang. Tapi… saurna tĂ©h bakal langkung
saé upami gaduh carogé batin dua ur ang.
MĂ©mang leres deuih, asa karaos pisan bĂ©ntenna icalan tĂ©h…”
“Ayum, Ayum... asa teu rĂ©alistis pisa n ngĂ©mut tĂ©h. Sageulis-geulis
bet percanten ka nu kararitu…” bari
nyarita téh leungeun mah geus leuwih teu kakontrol, ngaragamang sakahayang. Éling
sotéh basa manéhna ngajéngkat bari
ngépéskeun leungeun. Jung, nangtung, sarta undur-unduran ngajauhan.
“Kan g, abdi sanĂ©s istri murahan! Abdi sadar,
akang tos uninga rorompok abdi tur tiasa ngalakukeun naon waé kan ggo ngancurkeun rumah tanggi abdi. Tapi
abdi sanĂ©s ungkluk!” kitu pokna, najan sorana teu pati harus.
“Ayum, ulah so suci lah! Hayu
kadieu!” rada nyĂ©ak piambekeun.
“Alim , Kan g.
Abdi sanĂ©s ungkluk! Sing hawatos ka abdi, Kan g. Ulah maksa abdi…” pokna deui, malah dibarung
ku nu ngalémbéréh tina dua panonna.
“Jadi… naon maksudna ngajak ka Gunungkemukus?
RĂ©k nitah ngalalajoanan anjeun sagebrug jeung dua ur ang lalaki?”
“Kang… abdi ngajak akang ka Gunung
Kemukus, taya sanés badé ngajak nikah
batin,”
“Kawin batin?”
“Sumuhun, kan g.
Abdi badĂ© nyarios ka Ki KuncĂ©n… emh… badĂ© pipirakan sareng carogĂ© batin nu dua
urang. Lajeng… badĂ© nikah batin sareng akang. Kitu ogĂ© pami akang kersa…”
pokna, daria naker.
“Ayum! Anjeun tĂ©h boga salaki pan?! RĂ©k
kawin batin atawa kawin nanahaon ogĂ©, tetep wĂ© ngaranana rucah!”
Manéhna gideug. Tuluy nyarita leuwih
antarĂ©. “Kan g,
sakali deui, abdi sanés tukang rucah. Nikah batin mangrupi sarat ritual nu kedah
disorang ku abdi dina ngahontal sagala cita-cita. Engké di ditu, saatos urang
ngalaksanakeun nikah batin, nyanggakeun sakujur awak abdi kan ggo akang. Badé dikukumaha ogé, abdi moal
welĂ©h kersa seja kumawula ka nu janten carogĂ© batin…”
“Bener-bener rieut anjeun tĂ©h! Anjeun
hayang duit mah, ayeuna ogé dibéré ku akang. Teu kudu jig-jig ka Gunung Kemukus
sagala rupa! Sok, ka dieu, Ayum, geulis, sayang, akang teu kuat hayang nyacapkeun
kasono…”
“Upami akang keukeuh badĂ© ngagadabah abdi, sawios abdi mah milih
paragat nyawa!” kituna tĂ©h bari
ngan sakilat ngaluarkeun péso tina jero kantongna. Seuseukeutna disongokeun kan a palebah beuteungna.
“Ayum!” puguh baĂ© ngaranjugna mah. Amarah
ngadadak léah. Napsu nu ngaugugudug langsung urug. ***
Buahbatu, 1428 H
Komentar