Dhipa Galuh Purba
CARITA KASUCIAN
Dina hiji kasucian éta
Bet katénjo sorot mata hurung ngempur
Getih euceuy, ngalémbéréh tina séla-séla biwir
Reup geuneuk, ray pias
Mana horéng, dedemit-dedemit tingterejel
Hayang leupas
Tina sengkeran tali pameungkeut raga
Teu bisa! Da dina mangsa kasucian, diborogod!
Tapi salaku dedemit, anjeun teu éléh géléng
Najan raga teu daya, teu upaya
Tapi jiwa mah bisa kakalayangan
Mending Panceg
Ngucapkeun: Allohu Akbar…!
Banjar, 25 Oktober 2004
Komentar